Flightmaster分享

十四毛

自從多年前係唔記得邊本本地嘅雜誌睇過一篇有關flightmaster既介紹後，呢隻錶個殻既奇怪形狀一直印左係我腦中，上星期打俾一間老表店，問問佢地有冇咩新貨，老闆說有隻flightmaster冇磨殻，三個計時圈仲變啡埋，二話不說立即去睇，品相完全是我心目中一直追求的未磨殻既錶，價錢比市場貴dd，最後講價不成都拿下了。之後回家才慢慢做功課.....

十四毛

上網尋找資料，原來我呢隻叫第二代，主要分別係第一代左邊小圈盤會是一個12/24既時區盤，雙色的，很容易辦認到。
由於小盤用途排列不同。第一代既機肉叫Cal.910, 第二代是Cal.911

十四毛

Flightmaster1/2代都有分橙針同黃針，一般橙針是正常版，有一篇文提到黃針係當年free upgrade既option，市面上係黃針見的比較少既。

kimching

Nice ，舊裝既味道令人興奮

十四毛

kimching 發表於 2017-5-14 11:37
Nice ，舊裝既味道令人興奮

謝謝，得閒再寫寫，其實我都只係把網上既文分類再去蕪存菁濃縮左再等大家慳d時間去睇。

十四毛

昨晚既宵夜，dounut + biscuit，最喜歡變色面盤了。

十四毛

近年多左IG分享，睇多好多野，發現都有唔少變啡左既flightmaster，但通常都係夜光污汚糟糟，或者變得唔夠均勻，全美既暫時見唔到，心中同自己講貴d都有價值。

十四毛

買flightmaster有一點要非常留意，就係要識分原裝面定service面，原裝面下面係寫T Swiss T, service面係寫Swiss made, 同白夜光，因為好多錶都會拎番俾Omega保養，咁行就會好好心咁幫你換左塊面走。

十四毛

隻錶比一般計時錶多左一枝藍色飛機針共七枝，係GMT第二時區用，由左上角粒掣調較。見到咁多針，係味好亂呢...
而左下角粒掣係用來調較內轉盤，類似Submariner個外計時轉盤功能。

另外，同相若年份(60年代尾之後)舊既勞力士唔同，一般老O既夜光仲會係微微發光既。

十四毛

好啦，有關flightmaster就暫時寫到呢度，下次得閒再同大家介紹一隻好罕有既Omega，就係下圖紅針果隻，花名叫Ultraman既元祖Speedmaster。

hkforyou

原裝橙針pre moon ?