|
|
由決定買錶到今天其實還不到一個月的時間回想起當初決定買錶的一刻是非常衝動，自己毫無經驗，毫無知識，就膽粗粗越洋（在jp yahxx auction)買錶
越洋買錶其實問題多多，師兄們都提過小弟要小心, 但偏偏自己一意孤行,唔理三七廿一買左先既心態去BID番來，而家諗番都覺得自己真係＂死＂左都唔抵可憐
記得師兄提醒過我，如果用這個心態（唔理三七廿一買左先講）去買貴錶，死亡率係高達９０％，希望大家都引以為鑑，買錶前真係要自己做功課，唔好飯來張口，大安旨意，發問之前都應該要自己做下功課，唔好係又問，唔係又問，問埋Ｄ膠野，其實好多時Mclassic討論區裡面的資料都好豐富，只係自己唔去搵。
同埋師兄都提點過我，玩舊錶切記唔好收收埋埋，永遠記住如果隻錶係好野，又點會剩係得您一個人發現到呢，好多時Ｄ錶無人ＢＩＤ，無人問，可能係隻錶本身有問題，但自己新手唔識睇，先至見唔到問題既所在，抱住虛心學習，虛心討教既心態就唔會錯到去邊。
我決定打這篇文章，是希望用自己的親身經歷，遇到的疑問和難題分享比初接觸精工潛水錶的會員們，希望為討論區貢獻少少。
當初是看到14毛師兄的２篇文章 - "Seiko 6105-8110 大鮑魚" & "一隻古董精工既王者 - Seiko 6159-7001極地探險家＂
睇完這２篇文章後即刻中哂毒，自己本身由細到大都好喜歡日本野（包括動漫，食物，衣服，特別對"made in japan"既product更加有一份情意結）
跟住自己就識少少扮代表，亂咁search一大堆關於精工潛水錶的資料，之後搵到 6306 7001這個型號，特別有眼緣，而且睇到文章所標榜6306 當年([size=15.0781px]1976年開始生產)只供日本國內銷售，
(P.S. 我自己就GOOGLE過不同文章提及6306的生產年份大多分為3種講法; 1)1976-1978年 2)1976-1988年 3)1976-1981年）
而且好喜歡6306 有漢字日曆既設計
自己睇完一大堆網上資料，討論區，就覺得自己好似好了解，之後就狗衝去日本拍賣網站搵6306，
買既過程中好感謝毛師兄耐心解答，如是就決定買隻落BID，心態係當係一隻入門版既舊裝錶玩下既心態，
so far寄到番來質素係OK, 錶面乾淨無乜花，無乜污垢，最大既敗筆就右側鮑魚位蝕左１忽仔，
而且基於越洋買錶，就好鬼擔心隻錶本身有冇Ｄ咩問題，始終買完都好難追究番賣家，
當連調教時間,日期都有問題，因為扭得太實，自己又疑神疑鬼，搞到要去旺角搵師傅研究，最後得啖笑，只係因為扭得太實既問題，
過程中發現到自己完全無認識，搞出好多個笑話。
（p.s. 當日維修精工的地址係 － 旺角廣華街潮流Ｘ域－時計Ｘ房）
最後非常感謝正師兄幫手搞團購買phoenix nato strap，
質素我自己非常滿意！好有質感
最後我附上一些圖片以供參考
文筆有點亂，可能打出來會遺留了一些資料，希望大家不要別怪！
|
本帖子中包含更多資源
您需要 登錄 才可以下載或查看，沒有帳號？立即註冊
x
|
發表於 2017-9-13 23:06:40
發表於 2017-9-18 17:21:48