新手五月18-19本店遊記

kinilok

其實小弟係新手都唔新手嘅一名，不過睇咗Goro's超過十年.....但奈何一直冇機會去本店又唔想炒價入所以一直冇出手！
但經過MClassic認識一班師兄又燃起我對Goro's嘅愛火！
我係17-21/5喺東京.....不過零晨機去早機返，所以實得4日。
仲要第一日去到係星期三公休.....最重要係同老婆一齊去所以冇可能日日排！

講番本店經歷，
星期四大概10:30am到原宿，行到Tommy已經見有人坐喺欄杆咁就用英文問係咪排Goro's。個日本人話係咁我就同老婆坐低等.........離遠見到個保安好唔友善已經有D淆，好彩二女冇趕我走.....但後尾知道有D揸passport嘅師兄俾佢趕走咗。之後（2人，我同老婆）成功落飛等抽.....好緊張！
去到抽既時候抽到39號，但二女同我講尼個number reserved所以我唔可以上......我見佢咁講亦都冇再講D乜就同老婆鞠躬走咗。
我老婆有D唔開心話抽39都唔俾上，咁我都同佢解釋排Goro's係咁。咁我地就去咗食Egg n Things同行原宿.....嗰日仲買咗好多野（因為本身冇諗住再排所以冇留手）

之後有同其他師兄傾番，佢地都話抽到39其實可以求下二女！不過我第一次冇乜經驗，所以咩都唔知！
之後嗰晚都諗咗好耐好唔好再去排，因為仲有十四萬Yen剩又怕唔夠同又怕老婆炸型！最後都係同老婆講去試多次，老婆就叫我自己去排佢就附近行下。

星期五由上野酒店出發已經比原定時間遲左，搭JR去由唔知咩事去到中途架車停左成10分鐘都好驚趕唔切！最後去到原宿10:45am.......見龍尾已經排到Adidas咁就照排！到11am唔見有保安但有幾個義工幫手將最尾條隊分兩行牌，到順利派飛等抽。今日係Mito san負責比ipad抽，二女做record......又有少少淆！
一抽....69號！二女有少少猶豫，佢又問我有冇上過去，我就話冇同同佢講我今日第二日排求下佢俾我上，佢同我講要全日喺度排我就話冇問題 , 最終成功比手帶！
之後就去返後面順號碼排隊等登記，二女之後返黎登記同同我講規矩，叫我3pm返去排隊。
3pm返到去就坐馬路口欄杆，不停等，到5:30pm差唔多排到門口，二女落黎叫我地6:30pm再返去排因為佢地食飯！
最終7:40pm先上到去，師兄提過上樓梯要好小心！上到去發現都幾細下，眼見玻璃櫃唔多野但有毛不過冇價錢！到我嘅時候，我照問我想要毛但男店員同我講今日sold out!
咁我就話想要鷹匙，佢就話ok!之後再膽粗粗問佢可唔可以要頸鏈，佢又話OK！不過係太丸尼，之後再問皮具，要左皮手環同長財！二女仲話戴皮手環會痛不過我應該ok，但當然最終自己帶唔到要男店員幫手！
最後仲同二女傾咗一陣間計介紹自己咁握完手之後就走！
雖然唔係買咗乜嘢特別野但心情好滾動!! 期待下一次本店排隊之旅!!

多謝收看!!

P.S. 上到去有鷹匙，大小箭頭，大中八本鵰賣

特別鳴謝禪爺同Kit......教咗我好多！!

devilman_alex

一銀一鏈是好好的開始了。

LGK

我第一次上去只係比我買鷹匙，二女話鏈係唔比第一次買

solojaii

咁好運既

madpager0913

其實師兄算好好運, 兩日都有唔錯既Number, 我覺得keep住堆火繼續燒, 總會有好事發生

hkpower2046

恭喜您有個好開始啊！

auto310

登頂，好事。
好過喺香港排埋D一人只準買一件既野，但轉頭又見到行得最埋既幾個朋友有幾件全新放售，咁一人一件到底係乜玩法？

nz633

上到已經好好 我今次4日全炒

jeffjai115

一鏈一吊咀已經好好了

scw0405

抽得前有質數
抽得後有量數

早兩日我抽7，買完金繩藍XL就話only one
同日有人尾水上就一匙加一對金心同紅珠

當然店員對買方印象好重要，
始終我不常去，手緊D都合理

aarongoro

CHING係度嗎

hkpower2046

第一次上已經有set已經很好了，我記得第一次只有一對M毛

yaracso

有1鏈1匙 好過好多人了

Maryoomok

師兄咁好運
鏈我足足問左四日佢先肯俾我

del6109

我上次33號都係買到一毛，買唔到鏈，之前有抽64號都上唔到去，上到去仲可以買咁多嘢，已經贏晒

kimching

恭喜師兄，19 號果日應該見到你

Applegoogle

恭喜師兄有"鏈"用