實而不華的牛魔王－誠Makoto

chingye1227

小弟已經有好幾年無去過日本，為咗記念我相思之苦，我決定寫篇文關於我喺東京最喜愛嘅餐廳－誠Makoto。
地址：東京都中央區1-4-5 Nihonbashihoncho
電話：0081332417502

為於銀座三越前內街的一條窄巷，喺未有Google Map之前其實係頗為難搵，所以特此留下地址電話，方便訂位。

入到餐廳會見到裝修以木材為主，一張長bar枱有座位十個，open kitchen 嘅格局有一位老師傅，老助手，及一名年輕外國男子在廚房。（其實得老師傅一個人煮，其餘都係負責清潔及整理食物，有傳聞話老助手其實係老闆），餐廳以食牛為主，十足十omakase, 你係唔會知有咩食，因為餐牌20年嚟都冇乜大改動。而簡單嘅英文打招呼後，老師附表會準備第一道餸。

所有餸菜都唔會有好賣弄嘅裝飾配襯，甚至配菜亦少（其實冇），但係每一道菜都非常之唔簡單。

第一道菜係簡單的沙律，微酸嘅生菜配上餣過後甜甜的肉碎，頗為開胃。

接着落嚟係老師傅中牛肉及蝦侵落鴨蛋黃及麵包糠，落鑊油炸，煮熟後便簡單放上新鮮洋蔥片上。
蛋味異常香濃，牛肉非常嫩滑，蝦亦不錯，作為頭盤非常可口。

第三道菜係濃厚嘅周打蜆湯。薄薄而濃厚嘅忌廉湯，再以火槍噴一噴表面，執好非常甘香，可惜份量頗細，唔係好夠喉。

再嚟就係牛脷，可以配wasabi，牛脷非常淋身，放入口後只要用脷頂上上顎，牛脷的肉汁一湧而上，僅餘甚少纖維，肉質上乘。

主菜係和牛牛扒，煎至四五成，㸃少少wasabi, 同樣用脷頂上上顎，非常滋味。我仲記得細個第一次食，簡直係驚為天人，廿年來品質依然一流。

食到中途，老師傅會問你要唔要蒜蓉炒飯，一滴份量唔多，梗係老虎蟹都要啦！
賣相簡單，但係細嚼爵下牛油味濃，而且甘香。
食到這裡已經好溜，先至可幸周打規湯份量其實啱啱好。
最後以蜜糖多士及超濃凍咖啡為一頓大餐作結。多士在鐵板上慢慢烘焙；咖啡從雪櫃拿出來，加上一層忌廉，咖啡迷不能錯過，兩者配合得天衣無縫。

價錢雖然不便宜（大約一人二萬円），但質素係不容置疑的。

此店用料上乘，同一貨原的牛肉會煮成咖啡，並在對面的餐廳發售，所以建議可以晏晝先去食咖喱，晚上再book這頓西餐。

kimching

去日本食野，呢種裝修同環境，係我最鍾意

Wunderkind

Looks very nice!!!

LGK

好正呀....不過有點貴....

4466

thanks for happy share

yuendenden

睇見都想食！

十四毛

下次去日本又多個選擇啦

teddercqz

看到我流口水..日本的牛肉口感真心太赞了