Gold week 5月3-8日

scw0405

5月3日  抽57/284 無手帶，第一日唔緊要，之後仲帶5日時間去排。


5月4日  抽39/299，諗住實無死，點知二女say sorry 唔比手帶。當下都費時同佢爭論，因為佢唔比就唔比，同佢爭論盞自己蝕底，結果講聲Thank you就走。


5月5日 抽55/267，已經唔知咩No.先比上，結果2女肯比手帶。小休前最後一組上去，貨量有：四鍊齊、上金、金繩藍、金頂藍、點金XL、中大八、點金匙、側點金大箭頂、大金心、金繩藍Road runner 、玫瑰花戒、八本皮帶扣、金繩藍平打扼。

今日Kan San企櫃，先問金繩藍石扼，幫我度完手腕後話No size 。轉問玫瑰平打戒，拎左3隻碼數出黎比我試，成功買到。之後再問Road runner都比買，再問銀包加裝、唔比，問皮帶、唔比。咁就比錢走人。


5月6日  抽175/245


5月7日  抽38/168，休前可以上到去，今日Mito企櫃，貨量有：4鍊齊、大金牌、側點金中箭、點金匙、大中八、金繩藍Road runner、金頂藍、上金、點金、金繩藍XL、金心L、玫瑰花平打戒、八本皮帶扣、兩菊及四菊點金放射皮扼數隻。

第一樣問長鍊For Road Runner，Mito話無，跟住我拎第2set出黎問短鍊，Mito話今日無鍊，玩野。咁問一問大金牌，Mito問我以前有無買過？我就指一指個水蓋話只有Small size ，佢就無再追問比我買。再篤一條XL，佢又唔比買，真係吹漲。要多一個XXS巾著仔，換扣又Hea我話無貨，灰到呢。埋完單找好晒錢先發現問漏左四菊皮扼，好在今日佢比我買，隻扼單價$55xxx ，都幾肉赤。


5月8日 抽64/16X ，今日突然跌到14度左右，又落雨，凍到Dee Dee震。休後第一組第一個進店，見到又係Mito企櫃，就知自己無運行....

貨量有：點金、金繩藍XL、點金匙、中大八、4鍊、八本皮帶扣、玫瑰花平打戒、兩隻兩菊點金放射扼。

第一件事問Mito長鍊For Road Runner，仍然係無，仲建議我穿珠仔去襯，見佢咁講我連短鍊都無問到。望一望毛櫃，金繩藍同我自己個條同方向，無得買，唯有問點金XL ，Mito又問我有幾多條XL ，我話只有爪毛同金繩藍（兩條都係左向），係個袋度巢埋出黎比佢睇，佢睇完先比我買右向點金。多口問皮帶扣，當然唔比我訂，然後都無野再好買，比錢埋單走人。



成個旅程抽6上3 ， 入到幾件比較少見嘅Item ，好滿足。雖然見到人地又長鍊又十字架又海膽，但人地買到唔等於我買到。好記得MC有Ching講過排Goros係各施各法、各自修行，人地買乜羨慕唔黎，期待下一次再去排隊。

garylai0366

可惜39上唔到...上次我抽42都俾孫女sorry
不過有road runner都十分幸運啦！恭喜！

青島兄

多謝師兄祥細分享!

silzai

6抽3真係好野
下次幾時再去？

kimching

恭喜曬

Applegoogle

而家抽得前都唔比上, 有時真係唔明本店用咩準則

Szetoszeto

恭喜哂 road runner正

ronald_meng

希望下星期都重有Roadrunner

devilman_alex

師兄收鑊好好了，希望我六月之旅有師兄咁好成績。

scw0405

抽38個日有件事講漏左，當日抽37係一位日本女仔，有金輪金勾係頸，佢兩隻手指指住自己耳仔問Mito野，Mito又指指耳仔然後搵櫃桶，拎左一細包野出黎比佢，隱約見到係點金耳環，埋單約$43xxxYEN

del6109

陸行鳥超級稀有，恭喜晒，FACEBOOK 有位師兄抽五上五，又買到爪毛，十字架

kaizm

del6109 發表於 2018-5-11 00:00
陸行鳥超級稀有，恭喜晒，FACEBOOK 有位師兄抽五上五，又買到爪毛，十字架

嘩原來叫陸行鳥～唔知同太空戰士入面個隻係咪有關呢