黃金週の本店遊 （第二天在23樓及24樓）

ronald_meng

前言：今次小弟係第三次出發到本店，第一次是於2014年6月與妹妹一同前往（當時還是早上七點鬥快的呢～好懷念呀），第二次是2015年9月自己獨自遊本店，當時是抽三天只有一天可以上，今次與女友同行，希望有女友的協助下可以加強運勢，總共會抽4天，希望可以最少上到一次。


第一天（3/5/2016）
今天早上10:30到達原宿，一步出明治神宮前地鐵站時我既心情真係既緊張又興奮呢，緊張係因為係出發前既大約兩三日得知現在本店唔淨止要抽籤，之前重要抽yes/no，咁即係難度又加強了，興奮既係今次有女友同行，可以同佢一齊上本店應該係一個好好既經歷（我自己係咁覺得），一去到搵到個隊尾就梗係企定定啦，當然我企既位置就係American Eagle既門口，條隊就分左兩行，咁我同女友就左右並排咁企好，女友既反應係覺得好得意，因為佢見到行埋黎既人都戴住同我一樣既鍊，感覺就好似一種勢力係四方八面咁集中過黎咁話喎。企左一陣，大約10:45左右，就有三個戴住黃色Goro's Logo既證既人加一個西裝人（應該係另外聘請的Security)行過黎，要我地出示證件，咁我同女友就乖乖拿定護照出黎啦，當佢地行到埋黎哥陣，工作證既人就問我幾多人，咁我就指一指女友話兩個（講英文的），之後個Security見到我地拿住既係護照，就問我地識唔識講英文（Can u speak English?），咁我就答Yes，就係咁，工作證既人就寫左兩張寫住「2」字既紙仔比我地，而我地應該就算係過左第一關了。

之後就繼續乖乖咁企定定等，大約11:10，我就見到工作證既人從後面行返上黎，咁即係代表佢地第一階段既工完成了，所以行返上前面進行第二階段既工作。(睇完證件後排隊的隊型就由兩行並排變為三行並排，大概是想縮短隊伍的長度吧）之後就一直有20分鐘沒有動靜，再過一陣隊伍慢慢地向前移動着，大概到了12:15的時候速度開始加快（這時大概到了明治神宮地鐵的升降機），然後再往前少少（大概是Camper前），工作證的人就叫我地按他的電話app一下，咁我就叫女友按按（因為之前跟她說她，想她也經歷一下，所以抽籤的部分都給她去試試），按完後工作證的人就給了兩張寫着「Win」紙仔我們，之後就繼續排。（個畫面寫既都係日文字，連結果都是寫日文字，但我就見到有個位置寫着400，不知道是否只要400組可以進入下一輪抽籤），就係咁，第二關都通過了。
再慢慢地行前多少少，見到Goros女兒、媳婦和漁夫帽男在處理抽籤（我唔肯定漁夫帽男是否Kan San，唔記得左佢個樣），終於到我地了，媳婦打開她手中既ipad示意叫我地按一下，咁我就用眼神叫女友按一下，女友一按，出現既係255/280，媳婦好快就發出一聲「Oh.........」，跟住女友才意識到到無得上，女兒就同我地講左一聲「Sorry~~」，咁係咁，第一日既抽籤就完左。之後女友表示有少少失望，但我就覺得無乜所謂，因為自己都知道現在要上本店真係好難，都無理由好運到一抽就可以上啦，但女友就話佢試抽過就算，之後既抽籤都交返比我去按，可能佢怕之後都抽唔到好既籤掛，希望星期四會抽到好籤啦。

Bgod

主会保佑你，祝师兄抽到好耶

sophnet

謝謝詳細報告。祝你星期四好運。

ryancheung

很詳盡的報告，謝謝分享
加油呀！咁好心態下，實會成功既！

十四毛

聽日有我們核心會員係果邊可以支援下，請聯絡版主留下你的電話號碼

WING_x

想問新玩法係黃金週實行定以後都係會咁進行?
祝CHING可以買到好野!

hazyben

祝君好運!

nz633

Good luck! 剩係睇個報告都感覺到好似要過五關斬六將咁

hkabd

純文字都睇到有D緊張，多謝報告，good luck

scw0405

好詳盡既遊記,祝聽日上到本店！

IamKelvin

ching包膠講到好似置身其中
祝君好運

redrede

祝未來幾日會有得上本店，而家排隊都咁刺激點算......

issabb

多謝師兄既報告...因為六月會去本店一轉...其實do唔知依傢既程序係點，不過到時可能又會再轉玩法...祝師兄之後抽到好籤上到本店la...幫你打氣！

Sing0504

睇報告都感受到師兄當時嘅心情，聽日就會抽番靚冧巴，Good luck

MoreMoreCha

Good luck! 希望你同女友齊齊入到心頭好

BlessingU

明天加油:gd luck

kingbeni

睇親包膠都覺得好似自己排咁親歷其境 有種緊張 祝星期四好number

toys_madman

多謝樓主分享!!!

thiefthief

多謝師兄報告
希望你入到心頭好

Jeansky

用心分享   讚