夏休後所排出嘅點金類羽毛問題

atfpdj

小為剛係fb谷見到有師兄放售幾條XL羽毛，而賣家亦堅稱係自排，仲有咩完整嘅時表証明，小為見好似幾可靠咁，係好奇心驅使下就pm左賣家，得到一啲貨品近照，睇過哂啲紋路同特徵都無乜問題(可能我道行未到以為姐)，但再睇多陣，問題嚟喇，各師兄請先容小為上張賣家比我嘅圖，賣個瓜子先，小弟比較鈍，睇左成半個鐘先睇到，睇下有無師兄咁眼利，一眼睇到係咩事先。。。所以我吾敢下定論住，睇下有無夏休後排出過點金類羽毛嘅師兄可指導下小弟，不過我要聲明，呢個問題都有可能因為我無知而引起嘅誤會，笑話，如果係真嘅各位兄千其吾好插我呀，多謝

atfpdj

另外補上賣家所謂嘅完整時間表証明

kurtchan

相不太清楚，但我覺得左向毛D紋路好有問題！

lo88614

係咪焊渣左向毛，張圖咁濛，好難睇。

atfpdj

lo88614 發表於 2016-10-11 20:20
係咪焊渣左向毛，張圖咁濛，好難睇。

師兄，係粒點金得八下敲邊，正常吾係九或十下隨機出嘅咩，如有誤，請指教一下

Jeromesuen

師兄，我上星期都親自入手左條點金，
我比圖你對下，其實我都覺得左向d紋同果三個洞位好差，
最頂果個洞接近無開，第二個又開唔哂
雖然我睇過其他人既左向點金都係咁，
而且前日抽57唔比手帶，反而69就有
尋日43號又唔比手帶（唔知係咪紅日多helper要比空位出黎比自己人上）
玩到有d心灰意冷…

Jeromesuen

仲有一件事補充就係上星期識到位駐日本香港人
我見佢話呢個係佢朋友話佢好好彩唔知排左幾多日就排到咁多條，
仲問朋友應該賣咩價錢，以上係我有既資料，真定假呢d始終我唔係我直接認識我唔敢比任何意見

atfpdj

Jeromesuen 發表於 2016-10-11 21:37
仲有一件事補充就係上星期識到位駐日本香港人
我見佢話呢個係佢朋友話佢好好彩唔知排左幾多日就排到咁多條 ...

師兄又吾洗講得咁嚴重，好似要比人問責咁，只係覺得好奇，想請高手師兄們教導下我呢啲新人，吸下經驗值姐，因從未見過八下敲邊嘅點金，所以想知係咪本店夏休後所出嘅最新版本，無話一定要分到真假嘅，聽到師兄剛才講哥羅啲貨質素下降左，我又諗起fb哥羅谷有人講過，有師兄堅稱自排出一條上金tq個繩收毛無左，姐係我地正面望tq嘅八點鐘方向果度，亦有人佐證係本店排出，不過始終無從奚考，而其後亦有人質疑係咪最新版，兩件事會吾會有關係呢就不得而知，當聽下故事就好了，而家只想搞清楚係咪真係有八敲邊嘅現行最新版本，如果係真嘅，咁哥羅又再出招控制成本？因為成本而換左代工嘅伙伴而令貨品質數下降？所以好想知呢三隻八敲邊嘅係可方神聖，得一隻係咁嘅就可以話佢可能係錯體呀，可能係好少會出現嘅人為錯誤呀諸如此類，但而家成三隻都係咁啵，要集合到三隻一樣嘅錯體錯誤喎，係幾咁難先可以，但而家咁就變成左似量產咁，不過都係吾敢下定論住。

Jeromesuen

atfpdj 發表於 2016-10-11 23:23
師兄又吾洗講得咁嚴重，好似要比人問責咁，只係覺得好奇，想請高手師兄們教導下我呢啲新人，吸下經驗值姐 ...

我都想知其實到底發生乜野事，留名等高手解答
不過都係果句啦，只有係本店出既先係100％真
等得都係自排安心，比多少少錢唔係問題，問題買完囉囉孿好慘
本身我都叫朋友幫我買條點金，但諗諗下都係算，買一星期機票有就有無就算

yaracso

事主連續幾日抽中12 13
BTW只有自己係本店上親手拎先100%真

atfpdj

Jeromesuen 發表於 2016-10-11 23:45
我都想知其實到底發生乜野事，留名等高手解答
不過都係果句啦，只有係本店出既先係100％真
等得都係自排 ...

事情只係小弟係網上見有師兄出售自稱係夏休後排出嘅點金羽毛，但粒金就只有八敲邊，好奇之下就走喺問下呢度嘅師兄高手，係咪本店夏休後有最新版本嘅點金羽毛推出姐，不過估吾到已經有其他師兄私信果位賣家質問呢個問題，仲公開咨詢，咁小弟姐係無睇錯到，但就無法得知是否本店所出

Jeromesuen

atfpdj 發表於 2016-10-12 17:18
事情只係小弟係網上見有師兄出售自稱係夏休後排出嘅點金羽毛，但粒金就只有八敲邊，好奇之下就走喺問下呢 ...

我睇錯你回覆，想問係邊度有戲睇

東門吹瘋

九月份購自fb group的zai wang
我呢條都好似係八壓邊
真心討論
另外想問左卷毛係咪一定有條小勾？

karl_chou

東門吹瘋 發表於 2016-10-13 12:31
九月份購自fb group的zai wang
我呢條都好似係八壓邊
真心討論

最近既右卷小勾已經冇左

十四毛

我毛扼同金爪點金，2013/2014既，都係9邊

kitkit1009

師兄比你參考下，點金係上年夏休自排

bathingmike

我有支右向14年入10下，左向爪毛一支今年冬休，一支六月入都係9下.暫時問過今年9月，10月係排隊vip區有發佈過入手師兄們既點金毛都係九下，暫時未見過有人係8下.

東門吹瘋

karl_chou 發表於 2016-10-15 02:26
最近既右卷小勾已經冇左

好似無之前果D咁明顯
唔知係咪睇錯, 仲睇到好微細的小勾...

kaizm

點金上年十月入手～9下
爪毛今年五月入手～都係9下

jasonmak

原來條羽毛都咁多學問......一條真的羽毛背後係花了幾多心機同時間去做⋯⋯
就算用現今既技術，都做唔到一無一樣⋯⋯⋯高橋先生真係好勁