Leica M8，M8.2，M9，M9-P，M240 之我見

0.95

事先聲明，呢個唔係咩Reviews，識我嘅網友都知，我只係一個屎忽痕，得閒鍾意換吓嘢玩，試吓新玩意嘅用家，我無資格去評論一部相機嘅好壞，所以喺度純粹只係得閒無嘢做，自己發up瘋講吓我對呢幾部Leica digital M嘅感覺而已。
Digital M機，以Leica嚟講，小弟用過嘅有M8，M8.2，M9，M9-P同M240。
M240係上星期全新買入，幾日前無啦啦見到部幾抵玩嘅M9-P，忍唔住買埋。

玩過以上幾部之後，有感而發，吹兩句。

1. Leica M8
~ 先講吓M8，我諗好多師兄第一部digital M都係M8。當時由M6轉用M8嘅我，拎部機上手第一個感覺係：wa.....部機咁肥嘅。。。。㩒埋個shutter，第二個感覺係：wa.....個shutter制咁實嘅。。。。。聽埋shutter聲之後，第三個感覺係：wa......個shutter咁嘈嘅。。。。。返到屋企開張ISO 640嘅相一睇，第四個感覺係：wa.......啲noise咁勁嘅。。。。。100%放大嚟聞吓相，第五個感覺係：wa........咁多張手震嘅。。。。望吓個LCD mon，第六個感覺係：wa.......咩mon嚟㗎。。。張張相都淡色灰白咁嘅。。
到最後第七個感覺係：wa......啲色，依？又幾靚喎，有種說不出的感覺。就係因為呢個原因，M8係我其中一部不離不棄嘅digital M。
用多一排，M8啲怪雞嘢嚟料啦。。。首先，個shutter會jam嘅？不停re-cock。。。其次，個MON有個啡色嘅“哄“嘅？。。。。最後，我張16GB，影唔夠兩三張，又話SD card full嘅？。。。。
Well，我認識嘅Leica M8，就係咁咋嘛，影相靚，但古怪嘢多。

依家嚟講，HKD11xxx ~ 12xxx有一部靚仔嘅，我覺得係OK抵玩。

2. Leica M8.2

~ 當初覺得，爭咁多錢買部同M8有8成相似嘅M8.2好儍 ( 我玩Leica M8.2嘅年代，二手一般賣HKD27000，M8係HKD17000~18000左右) 但自從用過BP M8.2，就知道佢有幾正。
點正？
首先，初次接觸所謂嘅“black paint“，wa.....露晒銅，靚仔到！玩Leica嘅人好怪㗎，明明部BP又殘又舊，你又話佢Sexy。BP機拎上手個質感，就是不一樣！其次，wa.....shutter制輕咗好多！再者，wa.......shutter聲明顯地細咗少少，Vulcanite leather個手感亦好咗好多！
係呀！M8.2同M8個分別就係咁㗎咋！係，仲有其他嘅，例如。。。。請問個snapshot mode有幾多user有用過？我未！Sapphire LCD。。。。umum，我見大家就算有咗sapphire，都依然會貼mon貼，咁sapp唔sapphire有乜意義？Frameline準咗？對我影響不大，反正我都係亂影多嘅。係㗎，個差價就係咁㗎咋！
聽落無乜分別，但真係值回票價！係小改變大改善！成部M8.2精神晒！影出嚟嘅相，感覺上sharp過M9，黑白相又夠正，彩色黑白都表現好好。同埋，個人認為M8.2不論係Silver or BP都係最靚仔嘅Leica digital M機。尤其是銀色配vulcanite，加埋個red logo，揹住出街，咩嘢虛榮心都返晒嚟！我認我膚淺！我見過有位師兄搭車嗰陣掛住部銀色M8.2喺身，但無mount鏡，得個body cap。。。。佢依然沾沾自喜，証明Silver M8.2係幾靚仔！
依家平均HKD14xxx~15xxx左右有部，我覺得係幾抵X喎！“X“係乜？你明㗎啦，助語詞啫。

不過，M8/M8.2啲電子故障又真係幾有趣，例如LCD coffee stain，shutter failure，SD card bug。。。。4個大字：不可思議。佢嘅電子fault，我未試過喺日本機度見過，真係大開眼界！

3. Leica M9

~ 對於M9，我又愛又恨。
愛，因為M9曾經係我嘅dream camera，當年2009，佢索價HKD57000，我自問無本事買。加上佢質感上乘，Full Frame CCD，啲相同M8一樣都係咁有味道，唯獨啲相好似無M8咁bright，M9嘅相係好有菲林味道。加上FF用盡啲鏡，又有靚仔嘅BP同unique嘅Steel Grey，有人覺得Steel Grey唔靚，但其實新淨時候嘅steel grey係好靚仔好特別，唔好忘記以M機嚟講，Steel Grey係M9只此一家，係唯一一部Steel Grey嘅M機，其次就只有Leica X1有！基本上，M8.2有嘅優點，M9全部都有，加上係FF，唯獨可惜係M9無出Silver Chrome。我相信好多師兄都仲用緊/好愛自己部M9。

恨，我估大家都知我講乜。我唔明點解索價HKD57000嘅M9，粒CCD coating會咁得人驚。。。。係有得免費換CCD，但起碼等大半年，唔係一個我覺得reasonable同acceptable嘅時限囉，Leica更加好似若無其事咁，無交代過佢粒CCD點解會咁，呢樣係我最擔心M9嘅嘢。其次，好怪雞，M9個LCD mon聲稱同M8嗰個spec一樣，但顯示出嚟嘅色好味精，濃過M8好多！同埋佢個mon係完全唔sharp嘅！係完全呀！再者，M9都有SD card full嘅bug，當file no.去到L999999嗰陣，又要用某些秘技先可以reset到，否則你部機係影唔到相。聞說，有人試過去完旅行，返到屋企發覺張card啲相無晒。。。。。有人話唔好用快卡，有人話唔好喺機身del相，有人話用usb接電腦最好。Well，Leica嘅電子嘢有幾好，可見一斑。
但講相片，真係無乜投訴，個人認為ISO 800可常用。

現時二手價一般係HKD28000上下，假如無CCD issue或已換CCD嘅話 ( 無人話過換咗唔會再甩coat呀！)，呢個價，我覺得買得過！

4. Leica M9-P

~ M9-P其實無乜好講，前幾日我買佢唔買M9，純粹就係為咗佢個靚仔外表。講SPEC，同M9一樣。講CCD issue，竟然又係同M9一樣。講啲電子fault，M9有嘅，M9-P一樣有。。。。但佢真係靚仔啲囉。機頂刻字，無red dot無“M9“字，正正滿足一班die hard Leica fans嘅情意結。加上，Silver Chrome嘅M9-P，真係好銷魂！！！！至於佢個Sapphire LCD，對我嚟講又係可有可無。
二手價錢嚟講，佢有啲“海鮮“，有人索價HKD45xxx，有人放緊HKD38xxx，落差都幾大。為個靚仔樣，比M9俾多超過HKD10000嘅價錢，價值觀嘅問題囉。

M9/M9-P我覺得係令我影得最有feel嘅一部，但CCD issue又令我最擔心唔知佢幾時收工。

5. Leica M Type-240

~ 呢部大M唔講得笑，一改以往digital M機俾我“電子低能“嘅感覺，電子性能真係全面進步。速度，ISO，反應，LCD等等都開始追貼日本電子機。不過，有一刻，我會覺得自己用緊Sony A7，無錯，尤其是image quality，我唔否認，佢同A7係好似。數碼味重咗啲，好坦白，無咗用M8 M9嗰個feel，但卻多咗用數碼機嘅享受。
咩享受？ISO3200任用！LCD可以睇相！( 係呀！M8 M9個LCD唔係俾你睇相㗎！) 可用晒市場大部分鏡頭！有Movie有LV ! 非常穩定嘅電子性能！ 極濶嘅dynamic range。呢啲享受，我自問喺M8 M8.2 M9 M9P都搵唔到！但同樣地，M240似係一部高科技電子產品，卻少咗經典徠卡M嘅感覺，相片感覺上亦較數碼味，少咗M8 M9嗰種菲林味道。好奇怪㗎，唔知點解，用Leica嘅人，明明手上係用緊部數碼機，但又偏偏想部機要有菲林味道。但係，用M240，係爽過用M9好多，好多嘢係快囉！新科技囉！不過，普遍嘅Leica user，有幾多個要求快？有幾多個想要佢個Movie function？甚至有人覺得，我寧願你出部無LCD mon嘅digital M，起碼機身可以瘦返啲呀！唔好忘記，M240比M9再厚多啲啲，又重多啲啲，但揸上手個手感同穩定性，又比M9好啲啲。其次，我覺得M240個樣無M8 M9咁靚仔，無咗嗰種Leica M嘅classic樣，加上個特大red logo唔知想點咁。。。。但若然想要新嘅電子科技，M240完全KO晒M8 M9。唯獨CMOS同CCD個分別，我諗係個人喜好多啲。有人覺得CCD靚啲，我唔否認M8 M9嘅相係較有味道。但M240個CMOS，亦係Movie同LV必需要嘅。
如果呢一刻你問我會揀邊一部。。。。

Well，我最愛係M8.2，原因有：
1. 真係最靚仔，Silver Chrome + Red logo + Vulcanite Leather，只此一家，好靚仔！
2. HKD14xxx~15xxx嘅價錢，唔算貴，抵玩。就算跌價，最多咪輸HKD2xxx~3xxx。你睇吓M240，一年前HKD6xxxx~7xxxx，依家HKD4xxxx。
3. CCD嘅色水幾有feel
4. 同M8比，真係小改變，大改善！
5. 無M9嗰個令人聞風喪膽嘅CCD issue。 (其實CCD甩coat唔得人驚，而係Leica要你班貴客等一年半載先有得換嗰吓得人驚！)
6. 同M240比，更有classic M機嘅feel
7. 有窮人MM之稱，影黑白有味道，ISO 2500啲顆粒感，M240反而俾唔到你，相片夠sharp。

唯獨佢不是FF ( M8.2係1.33x crop factor ) 同電子性能較弱。
扣除呢兩樣，個人認為M8.2無嘢輸俾M9 M240。

所以，喺各方面取捨平衡之下，個人最愛M8.2，亦覺得M8.2係現時最抵玩嘅Leica digital M body。

坦白講，我有一刻諗過，部M9-P一開二，入一銀一黑Leica M8.2，都仲有錢找，一部專影黑白，一部專影彩色，玩盡CCD個feel，搭多部M240用盡佢CMOS嘅彈性。

嘻嘻～呢個玩法，我仲構思緊。

至於MM，我未擁有過，不便comment。M-E我都未擁有過，不過我相信應該同M9會係一樣。

Anyway，水就吹完，以上感覺你未必啱聽，純粹個人feeling。大家有興趣不妨一齊吹吓~

0.95

哎呀。。。。duplicated咗，麻煩admin大大是但delete一個。

thank you

Wunderkind

Thx for the review 0.95 Hing.

alexty2

我就由M8-> MM->M-E 咁上, 家下最鐘意MM, M-E 擺多過用 ,M240 暫時冇諗過買,除非二手去到30000左右

得閑可以去我flickr 睇下,D黑白相全部用MM影

https://www.flickr.com/photos/azu_hkg/

kgv

Yeah, M8.2

wesley

幾時放240呀?!

Jason

KGV
你問我? 我有好幾支 non RF coupling 的 50, 55, 58, 85 鏡要靠240。除非隻 A7 個樣無咁 7 啦

如果A7R個樣似fuji X-T1 就好啦

Jason

thanks 0.95 兄 for the review，正！

Summilux

M8.2 還有一個好處

你試下用ISO 1600， 3200... 影黑白

微粒粗到飛起！但粗得很自然！
好靚！

粗微粒攝影在外國好流行...但香港人通常一味要幼細。

這效果只有M8.2 做到...M9, M...都是想儘辦法扮幼細。

bubu

Jason 發表於 2014-7-9 14:19
如果A7R個樣似fuji X-T1 就好啦

望Fujifilm出FF实际D，好過望Sony改A7個樣。

kgv

Summilux 發表於 2014-7-9 14:24
M8.2 還有一個好處

你試下用ISO 1600， 3200... 影黑白

In my M8.2 Safari, 我得 2500, 1250, 640, 320, 160, auto ISO 可選 za wor

拿
like this
ISO 2500
Old CZ 35/2.8

*********************************************
July 10, 6:45pm
Summilux 兄, 換過另一張，點睇?

0.95

哈！如果遲啲M8.2個價反彈翻上去，各位準買家唔好賴我呀~

kunobun

師兄我同你一樣睇法，係而家呢個moment, m8.2係最抵玩同好玩的，粗用一流，花左唔傷心，相片質素又一流。我之前都係度講過想買返部m8.2。唯一問題真係怕左塊ccd.用一皮買返黎唔係問題，問題係一陣要維修就真係賴野！所以我都掙扎緊買唔買。我反而對m9冇乜興趣。

kunobun

M8感覺好leica好原始，240dynamic range闊到執相好happy, m9夾係中間。有時影相玩feel, m8最好feel.

bubu

kunobun 發表於 2014-7-9 16:02
師兄我同你一樣睇法，係而家呢個moment, m8.2係最抵玩同好玩的，粗用一流，花左唔傷心，相片質素又一流。我 ...

我同你一样心思思舊爱M8，就係一朝被蛇咬(coffee stain)，唔敢再入了。

redrede

Good review, don't stop switching cameras

0.95

哈！原來個個都咁捧M8.2場！

早知我買咗先出呢個post啦！

ww129

bubu 發表於 2014-7-9 16:23
我同你一样心思思舊爱M8，就係一朝被蛇咬(coffee stain)，唔敢再入了。

让我讲个亲身遇到＂奇迹＂与大家分享：

当年我部M8也有coffee stain 的问题，没多大理会它，后来辗转因工作关系搬到京城，如是者过了一年多竟发现coffee stain 不藥而愈！相信靈薬是京城非常干燥的天气及天冷时屋内的暖气。

真人真事，有这问题的师兄可试试

Jekyll

見各位Ching對M8/M8.2有正面評價，等我又post一下先

Jekyll

enjoy