澳洲 Leica Q 開始price drop，香港行貨有動作未？

0.95

hkforyou 發表於 2015-9-24 00:20
跟本講多都沒有用，d人唔明，pre order 年底先有貨比你都唔先其，如果覺得平不如自己preorder一部等下 ...

Pre-order咪Pre-order囉，無人講過話有現貨平嘢即刻拎機走。
咁香港咪又係Pre-order唔知幾時有貨仲要HKD34500。

咁依家澳洲有special offer同樣地都係Pre-order唔知幾時有貨但平幾千蚊，咁大家多個購買渠道，什至有機會平到少少，有咩壞呢？況且，大把人住喺澳洲，有得返澳洲嗰排順便訂機慢慢等，點都好過喺香港排隊買HKD34500嘅行貨啩。

當然，心急玩又有閒錢嘅，咪喺香港買水貨囉。


出得起錢，let say HKD38000，點會無機？我諗有幾十個pm添啦～


仲有，由始至終，我只係話喺澳洲有special offer，可以大概HKD30000鬆啲買到部Leica Q，但我無話有現貨即攞。只係大家若然都係等 (我見好多人排隊等行貨HKD34500)，提供多個news俾啲準買家啫。

0.95

我發覺好怪雞，喺友台好多人好驚我講部Leica Q嘅所有嘢，包括我批評部Q嘅嘢、我評論部Q個價錢變動啦。。。etc。

喂，講真，攞正牌賣機嘅商户如曾經喺post理性發言嘅npc都未擔心啦，反而有啲師兄，我唔知係真正用家定水貨賣家啦吓，對我對部Q嘅performance and price comments就諸多习難，好似驚死我搞衰佢部心愛Leica Q咁。

大佬，部Leica Q release得出嚟，唔係要個個去擁護佢吓嘛？有讚有彈，對價錢有啲意見唔得架咩？

唔好話依家3皮嘢嘅Q啦，當日炒到7皮嘅M，我到依家都一樣係插架，有嗰句講嗰句，唔鍾意就係唔鍾意。我自己當日買部M-P，都係用咗一個星期就蝕幾千即放。唔喜歡就係唔喜歡，我依然覺得M240嘅相似足A7。好多人玩咗M240咁耐，鍾意嘅繼續用；唔鍾意嘅換返M8/M9都大有人在。大把人當日7皮入240，今日二手跌到2皮幾，咪一keep住玩得咁開心。依家都係講下部Leica Q有機會平到幾千蚊咋喎，就咁大反應出嚟護主？玩具嚟啫，使唔使咁die hard呀？

反而依家有少數Leica Q嘅擁護者(當然，從部分留言睇到，我知道有部份係理性嘅)，真係唔肯接受人或聽下人哋嘅意見咁嘅。好似講多2兩句部Q嘅不是就要討伐我咁～更何況我今次只講吓個價錢跌咗少少咋，某些人已經可以單單打打。什至乎講到自己幾咁唔care嗰幾千蚊至幾萬蚊，又話咩已經落咗唔知幾多萬蚊去訂部10月嘅新機(留意：部機喺市埸上依然係不存在架～)，有錢啲玩Leica嘅人真係講句嘢都可以大聲啲嘅～我呢啲死窮鬼充大頭學人認做Leica user嘅人真係無計，就係要care佢嗰幾千蚊difference。

乜依家玩Leica嘅人咁惡架咩？要排除異己架？自己用緊嗰部機唔俾得人彈架？人哋評論下部機個價錢都唔俾架？如果係咁，我應該可以最惡啦～細佬我用緊部2006年出嘅M8咋～全世界都彈部M8會有coffee ring，有shutter fault，有SD card problem，有垃圾LCD，有垃圾ISO performance，有嘈到爆嘅shutter聲，炒唔起嘅跳樓二手價。。。etc。彈我部M8？我開post插爆佢，我部M8先係最正～俾人咁踩法，我第時仲邊度賣得出去？～大家知我特別長氣，打親post都成千字以上～

講真，我呢個post (KFC我有開同樣內容嘅post)，真心純粹想分享下Leica Q價錢喺外國嘅最新動向，大家可以傾下Leica個策略同新M動向等。但嗰邊嘅師兄就好似講到我數部Q嘅不是又話佢唔賣得blablabla.....

講真，嗰邊咁嘅討論氣氛，燥囉，友台嘅forum，玩到無癮囉。

4ktv

係人背後插一刀，非君子所為，可能都需檢討一下自己行為，事必有因才有果。

0.95

4ktv 發表於 2015-9-24 02:28
係人背後插一刀，非君子所為，可能都需檢討一下自己行為，事必有因才有果。 ...

我從來唔會喺背後插，對於某相機或某師兄嘅comments，我無論喺友台或Mclassic都絕對係正面交鋒，公開評論～從不掩飾

又或者咁講，更多嘅評論，我亦都再無興趣喺友台留言。嗰邊個氣氛令我失望。

況且，Mclassic幾乎大部分老members，同時都係友台嘅老members；而友台亦有好多會員喺Mclassic，所以我相信消息係互通。

redrede

講返部Leica Q 或其他Leica, 我覺得Leica個策略去吸引新手玩係成功嘅，當我新手新過新界靚菜時，我入咗部Leica V-Lux 3以為已經玩緊Leica主機之ㄧ，相片質數有所提升
但對你哋班玩開相機梗係知唔係啦，如果嗰時比人話部機我都會唔開心(以為好醒做咗近成個月資料分析全能機)

之前Leica系列T，X及其他細機，我覺得Leica試下水温，比玩開相機嘅師兄只係當玩具及後備機，新手試下Leica, 資深影友都未必一定玩Leica, 大把人玩哈仔、Pentax、大底format等等

你叫我睇返Leica T我都冇乜興趣睇，但新手好多都一部到位，奈何Leica M唔連鏡，唔鍾意每件咪蝕幾千，加埋唔止幾千㗎啦，你估Leica Q真係Leica主打機咩，Leica令原你入多幾支鏡好過，尼部機只可以話係新手機或旅行後備機，只係比大衆知一機一鏡，以及Leica 嘅相機概念，係對質數有要求同時又可以很方便的，冇人買Leica咪知大衆其實點去睇攝影興趣，你估Leica做唔到大大支鏡及AF鏡咩，但好似我尼D舊人已經有兩年以上未用過自動相機(除手機外)

到最後，新手同資深影友討論都唔知點開始好，一個數pixel, 一個講feel; 一個講sharpness, ㄧ個講色差，跟本完全唔同野

kievnut

响澳洲想揾街舖買平Leica 都幾難. 連想買PanaLeica都要大舖至有。

不過A$5546 x 5.5 = HK$30503, 帶出境再退税10% -> HK$30503 - HK$2773 = HK$27,730. 咁算唔算平?

4ktv

0.95 發表於 2015-9-24 02:38
我從來唔會喺背後插，對於某相機或某師兄嘅comments，我無論喺友台或Mclassic都絕對係正面交鋒，公開評論 ...

老兄，你寫「我係怕我一出個Leica Q嘅減價post，啲人啲全新水貨Leica Q放HKD35000又走唔到之後詐我型啫。
你知啦，前排有人HKD38000水貨Q都賣到執到啲，如果因爲我一個減價post搞到人家啲貨無晒水位，我會過意唔去。」

對方當然用才大氣粗悔氣方式回敬你，所以有因才有果

0.95

4ktv 發表於 2015-9-24 10:16
老兄，你寫「我係怕我一出個Leica Q嘅減價post，啲人啲全新水貨Leica Q放HKD35000又走唔到之後詐我型啫。
...

老兄，咁你真係要睇真啲，係邊個開始講嘢唔客氣；邊個開始講嘢單單打打；邊個對人唔對事先；邊個開始寸咀先啦。之後，有啲師兄更話：咩邊個先有資格去講部Q賣唔賣得；咩唔好淨係匿喺屋企做分析。

請問，我分享部Q有優惠價，對方回我呢啲，係對人定對事先？


從來，我喺forum討論嘅風格，人不犯我，我不犯人。我有心搞亂檔，一開波我就可以提：阿某某幾錢幾錢都放到，依家HKD30000咋啵。什至我可以一開波喺阿某某個selling post度搞啦。

我成個post，從來係講部機，講件事。只係有啲師兄嘅留言，明顯係開始單打我，針對我。咩叫“公認麻煩友”？咩叫“有啲人”成日數部機？我對事，有啲師兄就對人。講真呀，你quote出嚟嗰句嘢，唔係俾人對人唔對事，我都會攞出嚟講啦。有心插，一早喺人個selling post插。況且，人家之前賣幾多錢，全部係公開嘅post，加上部Leica Q算係hot potato，心水清嘅一定知架啦。

講真，有時玩Leica，平買入，賣出去執少少，唔奇架，好多人當賺玩，什至賺少少玩具錢，有乜所謂。但唔好話咩“小人之心度君子之腹”。咩得一部試水溫啫？之前放HKD38xxx嗰部又避而不談？我一開波什至有advise對方如果真系平，不妨入多幾部可以執多少少。

老實講，見有水位，入啲貨返嚟賣下執少少，好平常咋嘛～當年M9 M240大把師兄係咁，分分鐘賺到免費機自己玩，無問題架。只係見有啲師兄開始對人唔對事，我先攞出嚟講。

0.95

不過，算啦不如，大家玩下相機上網吹下水，不如唔好再拗，對人對事都好，算啦。

前事唔想再提，各位網友做返個friends，一齊繼續玩下相機，執下平貨，秒殺下，出下相。

玩相機，要咁先爽，對嗎？

0.95

BTW，個人認為，等得嘅，繼續等。唔等得嘅，貴少少買返嚟玩，無問題～個人嚟講，梗係越平越好

最緊要，自己鍾意自己部機～影多啲相

hkforyou

如果per order 個價錢沒GST 就平，但沒現貨Q ,又要比deposit 可能沒有得退，下年先比機你，當年m240就係咁，半年一年都沒機，好多ching住在/住過外國都知道情況。

4ktv

老兄你寫「當然，已經買咗或以買賣水貨執少少嘅師兄或者會對Leica Q減價感到不是味兒，絕對明白」
都唔明老兄點解要咁樣對人單打及潤對方在先，對方當然有反應單打你 「個區區三兩仟蚊又怎會有師兄不是味兒，怕就怕賣比一D 公認驗屍官麻煩友，唔賣比佢又放上Forum比人公審，起碼我就唔敢，簡單D講，相機=玩具，買呢玩就預佐折舊預跌，唔買就一定升，M240水係賣緊HKD33500，由$5xxxx 2年間又轉款，跌45%都係正常不過，期間歐元跌了20%, 再加M240P出，舊MODEL 再跌20%，全世界電子產品都係咁 。」，但亦好和平討論m240為何跌咁多，無覺有問題的。

不過老兄的事跡有師兄blacklist你whatsapp，你就真喺在阿某某個selling post度搞事，公審他人，又係事實，唔通這些又是老臣子公審新人的專利 ? 佢沒有單打，不過可能老兄你自己對號入座有些不快就出事，
http://forum.hklfc.com/forum.php?mod=viewthread&tid=165681

但最後老兄寫 「我係怕我一出個Leica Q嘅減價post，啲人啲全新水貨Leica Q放HKD35000又走唔到之後詐我型啫。你知啦，前排有人HKD38000水貨Q都賣到執到啲，如果因爲我一個減價post搞到人家啲貨無晒水位，我會過意唔去。」
就真是有些過份，而且同場有多位師兄同時不滿你所講，未必是因此單一post內容一件事，相信老兄你先檢討一下自己過往行為雖假說是討論，但實際又是否一言堂，永遠是對的令咁多師兄對老兄你反感，相信事必有因才有果，再嘈落去，我睇老兄你未必可以落到台，停一停，想一想。

希望老兄你我都收筆，唔需要一定要自己贏永遠是對的。

4ktv

hkforyou 發表於 2015-9-24 14:00
如果per order 個價錢沒GST 就平，但沒現貨Q ,又要比deposit 可能沒有得退，下年先比機你，當年m240就係咁 ...

上年 smartone 比 $500 deposit 訂iphone事件，就係搞得好大件事，騙子

0.95

4ktv 發表於 2015-9-24 14:13
老兄你寫「當然，已經買咗或以買賣水貨執少少嘅師兄或者會對Leica Q減價感到不是味兒，絕對明白」
都唔明老 ...

理性回應你：

我只係好奇，點解我講親Leica Q個價，大家就好敏感。我明呀，有師兄可能買貴咗少少，見到我講個價唔高興，我絕對明，亦無針對去潤任何人。我當日買M240，我都輸好多，嗰種感覺我都明。但對方個勢就係好似要我收聲唔好再講Leica Q減價，好話我成日提跌價，反問點解成日要講跌價。我都知，數碼嘢跌價係人都知，我只係報下料啫。咁我作為消費者，評論下市場價錢走勢，有乜嘢唔妥？我唔係喺度踩部機令佢跌價，我亦無咁嘅影響力。

至於Summicron 50 APO單嘢，講真，我放低咗好耐。不平則嗚啫，無話咩公審。我承認大家當日語氣係重，誰是誰非，你有唔啱，我有唔著，我同賣家各有把呎，我已經無諗，放低算。

至於，喺KFC近日個post，全部懟我嘅，有幾位都係Leica Q fans或買賣家。大家可以因爲我以往對某相機直言而唔妥我。但可唔可以對事唔對人呢？

講緊部Leica Q嘅走勢，但就插我“公認麻煩友”，“有啲人”，“有無資格去comment”。講真，我俾個news大家potential買家咋。

對方無單打？只係我對號入座？
你可以話我對號入座嘅，但明眼人一睇就知講緊我啦。對方用字有無單打？心照啦。

至於，我係咪公認麻煩友？唔否認都有啲敵人嘅。不過，我自問喺KFC都有好多老友。我出錢出力去搞團購，打千字文去share心得，post相出comments談笑風生，賣玩具比市價平2成益網友嗰陣，可能Leica M同Leica Q仲未出。

老臣子？唔敢當，30幾歲宅男上下網吹水鍾意玩下相機嘅屎忽鬼啫。

麻煩友？如果買吓嘢(尤其是老鏡)有時講下價，照下玻璃，多口評價下相機鏡頭嘅就係麻煩友，咁我係公認架～～

BTW，朋友又好，敵人又好，網友又好，點都好，我上相機網係為咗吹下水，分享相機嘢，影下爛相，過下日晨。

嗌交？咪啦～大家返工夠煩惱，無謂再為啲相機嘢而不快～

0.95

其實，如果大家都係Pre-order，大家都係無stock排隊等派貨。。。
咁喺香港以大概HKD34500左右Pre-order又係唔知等幾時，喺澳洲以大概HKD30000左右Pre-order (或者有得退埋10%GST)又係唔知等幾時，咁對有心買又唔怕等嘅師兄嚟講，喺澳洲買唔係著數啲咩？

當然，以上講嘅係願意等嘅買家，要快嘅，除非肯俾premium price或者可以即刻有機玩。

另外，我見有啲師兄都唔係喺香港訂，寧願自己喺外國訂，仲已經收到機玩緊。一來平啲，二來有時快啲有貨。

所以，今次澳洲有special offer，我真心覺得對肯等嘅師兄嚟講，係好吸引，如果真係扣埋GST  HKD28000埋單，應該開始貼近好多師兄個心水價啦。

0.95

當然，我呢個post，除咗唔係為咗嗌交同講價錢之外，我都想大家可以分享下：

1。Leica Q出咗3個月就開始有special offer，會唔會令用家對Leica打後個新products定價無晒信心？

2。會唔會新M真係衝住Leica Q嚟走，所以Leica要喺咁短時間向部Q埋手先？

4ktv

對方衹是反問點解成日要講跌價咁小事，你又話叫大家出呢討論，但反問完又被你老兄單打及潤對方，那有這樣道理 ? 現在又話無潤任何人，不如你老兄現在講，我以後我說的就是秦朝法例、其他人講的，就不是道理更簡單，一定再無人頂撞你老兄，正所謂撩人者賤，你就不要怪對方還擊，但還擊就一定發生一下比一下重手。

Summicron 50 APO單嘢，老兄你在人地post公審踩完場後，而家就話我放低咗好耐，sorry都無聲，真係講得幾輕鬆，對方一個新人因為你一個老臣子的單方面片面之詞公審行為，而導至你多位好友可能錯誤圍攻，又係另一單撩人者賤事件，對方一定又會還擊你老兄，好彩對方無係mclassis開post 插你一刀呢類xx行為，你放低咗好耐唔代表一眾師兄對人品格有微言，所以在Leica Q post上同時有多位師兄……….，返過去同對方多位師兄理論，睇下有冇誤會方為君子行為，我無氣再講，你老兄永遠是對的，別人一定是錯的，謝謝，再見 。

0.95

4ktv 發表於 2015-9-24 16:37
對方衹是反問點解成日要講跌價咁小事，你又話叫大家出呢討論，但反問完又被你老兄單打及潤對方，那有這樣道 ...

理性啲回應你，你就喺度xyz，有咩好講？

我又唔覺得“不是味兒”嗰句係潤人喎，俾貴咗少少有啲不爽，人之常情 。

至於APO事件，Sorry ？咪玩啦。成件事係點你又清楚嗎？你一句“單方面片面之詞”就你唔清楚。seller喺whatsapp第一句點潤我你又知嗎？對方有無全面交待清楚我同佢嘅interaction係點？無囉。

咩叫XX行為？我唔識解，答你唔到。

喺Mclassic開post插我？唔使呀，直接去我dchome個post插咪得囉，反正Leica Q個post插我嘅師兄，好多都係dchome過嚟嘅。喺dchome應該可以插得興起啲添～其中兩三位都係dchome最活躍嘅Leica Q users。

況且，唔使特登嚟Mclassic搞我喎：
1。呢度唔係好興呢類討論文化。
2。好多玩Mclassic嘅member，都係玩HKLFC起，消息流通～

hkforyou

真無聊，不如大家比三萬你賣部Q 比我地，沒GST二萬七千多成本就可以。

0.95

hkforyou 發表於 2015-9-24 21:16
真無聊，不如大家比三萬你賣部Q 比我地，沒GST二萬七千多成本就可以。

其實，只係我喺網上見到外國訂Leica Q有少少special offer，可能可以比喺香港訂平少少，俾少少資料大家參考，大家傾吓。
dchome嗰邊啱啱都有師兄講自己喺外國訂Leica Q，final HKD29xxx埋單，前後3個星期已經有機玩緊。

講真，有乜咁無聊？

況且，你講嚟講去就係話澳洲Pre order無現貨，喂，無人話過有現貨喎～

香港訂又係無現貨，外國訂又係無現貨。
大家都係等，咁可以喺外國訂埋單又有機會平幾千，有乜咁無聊呀？


難道只有喺香港買水貨先係唯一正途？