本帖最後由 Chinese-Tee 於 2016-5-31 04:17 編輯
杜如風在facebook發貼引來一連串抽水「唔係呀!? 本田NSX? 日本法拉利？可以賣到四百幾萬？我幾鍾意日本都係咁話，一架日本車!? 仲貴過意大利超跑！真係值咩？」
一日之計在於晨：
「有乜咁出奇？對港女啲「唔係掛？」「使唔使呀？」「唔係呀化？」「搵鬼買咩？」其實都見怪不怪，好多時都笑而不語由鳩得佢就算，不過今次又Hi到車就俾佢撻著咗。繼上次中環張智霖話Taxi拿完爆掃把佬令人體感不安後，今日車Group又有人share杜小姐依個Post出嚟問：「應該點回佢？」喂就算冇追開潮流教母都知佢係富二代啦！又點會唔知NSX係咩料？點會唔知NSX依三個英文字同東洋跑車界神話成一個對等號？點可以同嗰堆一味鬥大聲鬥大力鬥浮誇嘅意大利佬相題並論？
先唔講今代NSX有幾令人引頸以待趨之若騖，上一代NSX喺25年前推出嚟嗰陣有幾哄動有幾劃時代，相信一眾六七十後嘅車迷冇可能唔記得，如果要我用一位本地藝人去形容NSX，應該就係我偶像黎明。佢唔係最快，不過副大碼NA引擎最熱血；佢唔係最高科技，不過超跑級基因實在比同期對手貴氣一大截；佢唔係最經濟，但Honda依25年嚟一直Keep住生產原廠配件俾NSX車主修復，貴氣得嚟又親民。 有啲懶係智慧型嘅廣告人 (嗰堆兩個字嘅Art Director) 話黎天王係當今最識玩Social Media嗰個明星，我真係笑而不語。黎天王之所以極速喺Facebook彈起，唔係因為佢啲Post有幾creative、個content strategy有幾紮實，而因為佢係黎明，就係咁簡單。唔好走出嚟懶學術咁講個Fact出嚟。同樣地，NSX之所以咁神，只因為佢有一個超越歐系超跑嘅輝煌歷史，依種集體回憶隨住時間慢慢變成一種情義結，依種情義結猶如行近我又怕驚動你之咁羞澀。依家全地球嘅男人都為新一代NSX嘅誕生表示扯旗，理得佢幾錢、買到定買唔到。港女唔明，因為佢哋冇辦法體會扯旗嘅快感。 最後想講，上一代NSX喺廿五年後嘅今日都仲賣緊五十幾萬，新一代賣返四百個又有幾出奇呢？」
杜如風： 「小弟自17歲在加拿大考到車牌後，第一架車就是本田高級版的Acura。第一代NSX我都揸過，我真係揸過，確實好爽、好精神。一架車，價值從來在於喺買佢嘅人身上。小弟覺得值，就係值。覺得唔值，就係唔值。不過賣到同意大利經典型號超跑嘅價錢，真係值咩？呢位阿網路紅人一日先生，你噏嗰D嘢，我都略知一二，573匹馬力2.7秒完成0-100、F1賽車級碳纖維車架……係勁，不過小弟覺得超跑真係要講下血統，人哋意大利車廠幾十年來世代相傳生產出多款經典超跑，你閉門造車廿幾年先出一部，點勁都好，淨係品牌上嘅價值就已經點都唔及人啦！真係一句物以罕為貴就可以開個天價出嚟？唔係唔得，我知道總有人會買，只不過嗰個唔會係我。一句男人的浪漫呀熱血呀咁就盲撐到底，重點名指住我嚟插，咁大火氣咩事呢？ 我認我係港女，不過港女唔一定代表唔識嘢嘅，港女唔一定唔對車熱血嘅，不過就無你呢班車迷咁大聲夾惡啫!」
一日之計在於晨：
「嗨杜小姐，好多謝你嘅回信，竟然一寫就引到你注意，我已經覺得係階段性成功！既然你用小弟嚟自稱，我都用同性嘅語氣覆返你唔就住就住喇。 係咁嘅，我前日噏嗰堆背景相信唔少人都知，雜誌啲「小編」唔夠墨水都會拎出嚟充字數。零至一百幾多秒、幾多匹馬力、碳纖車架等等邊個唔識講？純鬥數據的話，NSX同其他歐洲佬應該差唔多，不過佢嘅前瞻性科技同誇越世代嘅精神，又有幾多人喺當中消化得晒？ 小弟 (我都咁自稱一下先) 認為「超跑血統」唔可以用國藉區分，而係歷史同能力值。如果優劣係講國藉，我哋就唔會見到中田英壽、香川真司、中村俊輔、本田圭佑、岡崎慎司依啲成功例子，冇佢哋嘅勵志故事，亞洲好可能唔會再有人踢波。普羅大眾就係經常一句「超跑真係要講下血統」而將超跑依個名詞定為歐洲專用，根本就冇客觀去分析成件事。 混燃唔係新事物，但要混燃混到NSX咁強大就絕對唔簡單，兩副引擎嘅平衡比例度之高絕對唔係一般超跑可做得到 (再講丫，暫時喺依個地球上面，混燃超跑數來數去都係得一兩部) 其他廠兩三年就推一部新model出嚟等啲有錢佬盲目追款從而Cap水，Honda就花咗廿年時間精雕細琢，依種一絲不苟嘅研究同製作，就令我哋一眾車迷引頸以待嘅原因。NSX我依家當然買唔起，但有錢一定揀佢而instead of 倫敦才俊啲牛牛馬馬。 今次嘴炮其實打得好驚心動魄，Quote返高登一篇著名文章，你就知杜小姐有幾猛料，我之後有咩三長兩短，麻煩大家幫我報個驚…… 話杜如風係死港女？
你知道佢既歷史後
就明白佢係正宗香港公主
唔係公主病
而係伸隻手出嚟就有人埋單
話今日好悶就有十個男仔渣車喺樓下等
放工又有仔渣車搶頭淡湯 佢全盛時期真係玩撚哂
不過依家都唔弱
再者港女想佢去個級數都仲有距離
因為佢想食飯就會有十個八個男仔爭俾錢
根本唔洗同你「港」 唔知佢野既人會當佢死肥婆行出黎攪攪陣
知佢野既人就會明白自己連追佢既條件都未有
就算係高登仔條件嘅
喺佢眼中都屬一般
如果自己唔識嘅就上去GOOGLE
就如見到巴菲特
話依個呀叔有乜巴閉呀點解咁多人圍住佢一樣 拎港女同佢比根本就係ON9
港女臭西扮哂野要Ｒ返黎既野
喺佢身上係無限咁有人俾 唔洗R的
真係想同某啲人講：你哋太年輕了 - 我知我邊夠班同你嘈丫，連挽鞋資格都冇。作為一個小毒撚，真心為出現過你個page而感到自豪。」
然後到陶傑出來了： 「四百幾萬一架日本本田跑車值唔值？引起港女抗議，啱唔啱，視乎你嘅眼界。 首先，日本係西方文明G7工業國之一，與德國、法國、意大利、英國同一等級。日本人是亞洲的白人，種族血統，純淨高尚，不收容伊斯蘭難民，而出產法拉利的意大利，今日眾人皆知，係北非難民天堂。 意大利的祖先羅馬，兩千年前已經有人浸Spa，今日講到泡溫泉，優先係邊個國家？ 本田三十年前已經聘用意大利賓尼法利納設計，Made in Japan, 不是Made in China，價值等級不同，冇山寨貨，退一萬步，就算這隻跑車在大陸設廠，日治時代的台灣和英治香港的大丸百貨，由日本人嚴格QC，井井有條，有眼你見。 如風如電，如畫如詩，只要係東洋，一定係寧靜致遠、精密心思。憑JAPAN這五個字母排列，每個字母八十萬，不算貴。 崇日？哈哈，只係跟隨常識。」 如果唔喺真車迷，最好就唔好亂抽水，或者先做下功課， 1. 今代NSX是日本研發在美國製造的 2.NSX三個字的含意不在於Japan五個字，而喺SENNA五個字
| 
發表於 2016-5-16 16:22:18
發表於 2016-5-17 00:12:51
樓主
發表於 2016-5-18 11:37:30
